خبر استدعاء محمد الشهراني للمنتخب كان صدمة بالنسبة لي ..

لاحد يستغرب ..!!


لأن استدعاء اللاعب (النصراوي) للمنتخب في نظري (وأد) لموهبته ..


والمتضرر الوحيد هو نادي النصر ..

كابتن نصراوية


أنا قلت الكلام هذا ....


النصر راح يتأثر يغياب اللاعبين


ومع هذا الشهراني راح يكون على دكة البدلاء



ومع طول فترة المعسكرات حقة المنتخب


المتضرر الأكبر هو النصر

وجميع الأندية الأخرى



أنا ضد المعسكرات الطويلة التي يقيمها المنتخب

ومع ذلك ما فيه وراها فايدة ترجى

الله يهديك يا نصراوية ظلمتي الهلال

عندك اكبر دليل اللاعب ( عمر الغامدي )

فحياتي ما شفته يلعب اساسي

وان لعب لعب آخر المباراة واكثر شي مايلعبونه اصلاً

وسعد الحارثي لعب امس المباراة كاملة امام قطر

اما بالنسبة لـ محمد الشهراني انشالله يعطونه فرصة

دايم انقهر من هذي الحركه


والله يستر بس على ريان بلال شكله بيلحق دكت الأحتياط

مره فتره من زمان على النصر تأثر بسبب الغيابات كانو ما خذين تقريباً 8أو 9 لعيبه من النصر للـمنتخب طيب من بقى

بس هالمره نقول انشالله أن الشباب الباقي فيهم القوه و نثق فيهم أنشالله


ناغم العبرات

أخوي العزيز الكاسر ..

رايي من رايك .. ومعك أنا ضد المعسكرات الطويلة للمنتخب اللي زي ماتقول مالها فايدهـ ,,
وبصراحة خايفة وضايق خلقي والله يعين بس ,,
نورت بوجودك لاعدمناك ..

ياهلا فيك كاتم الأحزان ..

أنا ظلمت الهلال ؟؟!!

عمر الغامدي مايلعب .. لكن نصف لاعبين الهلال إذا راحوا للمنتخب أساسيين ..

ياسر والشلهوب وعزيز والزوري وغيرهم من اللي أخذوا حقهم من المنتخب في الفترات الماضية !!


تقول سعد لعب في المباراة الأخيرة ؟؟

سعد لعبها لأنها (ودية) .. أما في المباريات الأساسية لامكان له ..
تبغى تقول أن المدربين تكرموا وتعطفوا وتلطفوا عشان لعبوه آخر دقيقتين من الوقت بدل الضائع ؟؟
لو لاعب ثاني كان مايرضى باللي رضا به سعد ..
أو ع الأقل يعترض أو تبين عليه علامات عدم الرضا ..!!
سعد الحارثي نجم في ناديه يدخل آخر دقايق الوقت بدل الضائع ؟؟
لكن أخلافه تجبره على أن يكون رهن إشارة المدرب في أي وقت ..


وهو لعب مباراته اللي أمس عشان مالك مصاب وياسر عنده برنامج لياقي ..

( إذا سعد ما أعطي فرصة .. تبغى الشهراني يلقى مكان !! ) ..



أشكركـ على إبداء رأيـك وأعتذر إذا زعلتكـ ..
نورت ..

ناغم العبرات حياك ..

صحيح مرت فترة على النصر كانوا كثير من لاعبيه في المنتخب ..

لكن الله يرحم أيام زمان ..

ع الأقل كانوا يقودون المنتخب .. يشتركون في المباريات .. يسوون شي ..


مش مركونين في الاحتياط ..


لو محمد راح للمنتخب وأخذ مكانه كلنا حنكون سعيدين ..

يالله .. الله يكتب اللي فيه الخير ..


نورت بوجودكــ ,,

8




8




8



الله يسلمكـ